المملكة دار الأسود ..

سلام لجنود الوطن ، اللي على حد اليمن
بجهودهم زاد الامن / والمملكه دار الأسود

واللي ورا الجبهه بعد ، أفعالهم برق ورعد
اجنودنا جنود السعد / والمملكه دار الأسود

في ظل سلمان الحزم ، القائد وراعي العزم
اللي عدوه منهزم / والمملكه دار الأسود

ومحمد النايف معه ، صنديد سيفه رافعه
والشر دايم يقمعه / والمملكه دار الاسود

ومحمد الثاني سَبِع ، بالفعل ولا بالطبِع
متبوع ما هو متّبِع / والمملكه دار الأسود

وحنّا لأوامرهم فدا ، وان صاح صياح الندا
يلقى المواطن له صدى/ والمملكه دار الاسود

وهنا هنا بالمعتصم ، بالعِلم بنضد الخصم
واللي يعادي ينكصم / والمملكه دار الاسود

وعدونا حنّا نجيه ، وبعزمنا نقضي عليه
واللي تحدانا سفيه / والمملكه دار الأسود

والداعشي ما له مفَر ، فالبر والا فالبحر
واللي يسوونه كُفر / والمملكه دار الاسود

واللي يخون المملكه ، طالبك يالله تهلكه
في كل درب يسلكه / والمملكه دار الاسود

والمسلم الحر الأبي ، يمشي على نهج النبي
وما غرَرِه فِكر أجنبي / والمملكه دار الاسود

وختامها يالسامعين ، صلوا وصلوا أجمعين
على رسول المسلمين / والمملكه دار الاسود