برقً سرا والناس هجعن وممسين

لـ سعد بن شليه، ، في غير مُحدد، آخر تحديث

برقً سرا والناس هجعن وممسين - سعد بن شليه

برقً سرا والناس هجعن وممسين
وعلى الحفر ورماح عساه همال

ديرة ربعي اللي على العز ضارين
بني عمر اهل القنا وهل الافعال

عدوهم منهم ذاق الامرين
وصديقهم يرقا على راس ماطال

يازينهم زيناه لا جوك راضين
وياشينهم شيناه لا جوك زعال

همه كعام المعتدي والمعادين
والهم سنام المجد من فوق الاقذال

اهل العشر تشهدلهم بالبراهين
بنقره سنام اللى شهدت فعل الابطال

بصفحه الامجاد الهم عناوين
وافعولهم لا ماتعدد وتنطال

افخربهم والفخر ماهوب ذا الحين
فخرن قديمن ويتجدد ولازال

عسا الربيع بدارهم دايم يبين
وتخضر فياضن ضامها كثر الامحال

واختامها اصلي على الزكا النبين
محمد اللى ما مشا درب الاشكال

© 2024 - موقع الشعر