ايوالله احبها بلحيل واغليها
والله مااحصي غلاها والله الهادي
اخضع لها وانحني واقبل ايديها
مااحب كفٍ سواها والله الهادي
عساه يهديني الرحمان وارضيها
ويرضى عليه من رضاها والله الهادي
الله عني بكل الخير يجزيها
ماالحق جزا من جزاها والله الهادي
هي جنت الخلد تحت اقدام رجليها
وانا نما من نماها والله الهادي
هي احملتني وغذتني بثدييها
وانا اغتذي من غذاها والله الهادي
هي مدرسة جيل محموده مساعيها
وانا بنا من بناها والله الهادي
الله من رحمة الرحمان معطيها
وانا اتغلى علاها والله الهادي
الام ماشي فى الدنيا يساويها
الله رفع مستواها والله الهادي
حقوقها مااحدٍ يقدر يوفيها
مهما اجتهد في وفاها والله الهادي
الام لاصار رب البيت هاديها
ماخيب الله رجاها والله الهادي
الله يعمي نظر من لامني فيها
انا ومملك فداهاوالله الهادي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.