وجه السعد

لـ رائد العالي، ، في المدح والافتخار، 1،138

وجه السعد - رائد العالي

والله انك ياسعد وجه السعد
ياعريب الساس جعلك فالوجود

انت حراً فوق للقمّه صعد
كل مازادو هل الطاله تزود

شفت لك فعلاً وميقافاً يعد
تكرم اللافي ومن جودك تجود

ياطنيخ الراس دايم مستعد
تذبح الحايل وتلحقها القعود

ليت كل الناس مثلك ياسعد
فالطناخة والرجولة والصمود

يوم ولد اللاش عظمه يرتعد
ياعساه فداك يانسل الاسود

الشجيع يبين لاحان الوعد
يتقدم من سنود اليا سنود

والضعيف اليا بدا اللازم قعد
من تحزم به حشى ماجاب فود

وانتم اهل الاوله قبل وبعد
يابني ثعلي عريبين الجدود

وانت من شافك يحرّي بالسعد
الله انه يحفظك يابو سعود

© 2024 - موقع الشعر