لايكثر الهرج ولبخّ ياسفيه الكلام

لـ حسن عامر، ، في غير مُحدد، آخر تحديث

لايكثر الهرج ولبخّ ياسفيه الكلام - حسن عامر

لايكثر الهرج والبخّ ياسفيه الكلام
تنبح وتنبح وتبطي ماتطول الجدي

مثلك وشرواك ندري ماعليهم ملام
من حرّ مسّ المياسم قمت تعدي عدي

يضيق صدرك وتذرف دمعتك يالخمام
من يوم وضّحت خافي وجهك الأسودي

فالعين ماشوفك الا مثل كبر البرام
واللى من اول ردي يقضي حياته ردي

ياصبر راسك على شعر سوات الغمام
دوبه تزبّر وفي قدمه يهل بردي

ادري اذا ابيات شعري وصلتك ماتنام
كحّل عيونك بقاف الشعر بالمرودي

واذا زعلت انفجر واغضب وعظّ البهام
يادوب ما مررّ حجاجك على مبردي

عيديه اعدها لك يالردي كل عام
وهذي من اسباب نكبة حظك الأقردي

لعّل او ربما ينزاح عنك الظلام
وبعدها تذكر افضالي ولاتجحدي

نويت اكرهك حتى في لذيذ الطعام
حتى تلايط ولاترغي ولا تزبدي

© 2024 - موقع الشعر