يسقي عروقي

يسقي عروقي ثم ياقف عن الريّ
... ظنّه عروقي تكتفي لا سقاها
 
ياخي العروق عروق والميً هو الميّ
... ب انعى ضلوعي لا توقّف عطاها
 
كنت الضيا في دنيتي وكنت لي فيّ
... مثل القمر مضمونها ومحتواها
 
تسري على همومي وتطوي العنا طيّ
.. وتمرّها جروحي وتكتب دواها
 
وتسلّي الخاطر , تضحّكني شوي
.. تمشي معي كل الدروب ب غثاها
 
اتصبّح بصوتك مع شعّة الضي
... واسمع لك الكلمة واسمع صداها
 
تدري غيابك يكوي بخاطري كيّ
... كل ماذكرتك سحّت العين ماها
 
جمر الوداع إلي على راحة إيديّ
... تبطي بيديني لين ترمي ذراها
 
يشهد علي الله , مادامني حيّ
... م تهون عشرة ناس عشنا معاها