انت لو تعرف جراحي - خالد علي الكثيري

إنت لو تعرف جراحي مابكيت إلا معي
 
عادتي أخفي همومي
 
…… وامسح الوجه الحزين
 
تسمع الضحكة بصوتي وانا حابس مدمعي
 
هذا هو طبعي
سعيد , وجرحي بقلبي دفين
 
لاتواسيني !
 
أنا للهمّ أسعى له سعي
 
أطفي الشمعة بدمعاتي
 
وبسماتي تبين
 
 
 
أبتسم لك ما أبي تهتمّ وتتعذب معي
 
آنا حالة ماتلاقي مثلها في العالمين
 
* * *
 
لو أشوف السعد ماظنيت إنّي في وعي
 
ممكن أفرح ؟
 
ممكن أسعد
بعد أحزان السنين ؟
 
لا ,
 
أكيد الشلّة ترتّب مقالبها معي
 
والا حظي
 
يا حسافة حظي اللي مايزين
 
 
 
ما أقول إلا
 
ءآلهي
إنت حسبي ومرجعي
 
لولا هالإيمان والا كنت ميت من سنين
 
 
 
الصبر هو حيلتي حتى أوافي مصرعي
 
والحزن ذاقوه حتى الأنبياء والمرسلين
 
 
 
8 مايو 2007م 21 ربيع الآخر 1428ه
© 2024 - موقع الشعر