على وضح النقا يصحاب لانخطي ولاتخطون

عايض الحلافي
.
تجهز ياحسن وازهم ظليف ويحكم المامون
ونايف جاهز لظليف والدعوى حماسيه
.
نايف الواسي
.
توكلنا على الله والثنين اصحاب وانت تمون
وكلن دون ميقافه وكلن دون كرسيه
.
حسن عامر
.
على وضح النقا ياصحاب لانخطي ولاتخطون
عسى الله ينصرالاسلام ويعز السعوديه
.
ظليف
.
تجهزنا لكم ياصحابنا واللى نبي مضمون
حلافي وخوين واسي اثنين سواسيه
.
عايض الحلافي
.
حسن مالبارحه يالربع لاصاحي ولا مجنون
يقول باشارك الثوار فالموصل وسوريه
.
حسن عامر
.
وعايض منخدع بافكار مايكل هرت وافلاطون
وانا من فضل ربي ما اعتنقت افكار غربيه
.
عايض الحلافي
.
انا بمسك حسن واسلمه للعود ابو حاجون
الين يتوب ويخلي السياسه للسياسيه
.
وصاحبه الزهيري يشبه صوره على الكربون
نويت اكشف جميع اوراقهم بالدبلماسيه
.
حسن عامر
.
ابوحاجون ياعايض تطيعونه ولاتعصون
ولو احكامه اتخالف شريعتنا السماويه
.
ياعايض يالحلافي مانت لا موسى ولا فرعون
حلافي وامتقاعد يسكن ديار الجنوبيه
.
عايض الحلافي
.
يمينك لوتغسلها من الديتول والصابون
ماتنظف غير اقلك بدوّ الحسنه عن السيه
.
حسن عامر
.
انا ريد السوالف ياعميلي بيننا بالهون
واشوفك جيت مستعجل معك سرعه جنونيه