ياسلام الله على من قدم الدعوه وحيا

لـ حسن عامر، ، في غير مُحدد، آخر تحديث

ياسلام الله على من قدم الدعوه وحيا - حسن عامر

محمدالشهري
.
ياسلام الله على من قدم الدعوه وحيا
وانتصب في ماقف(ن) ما ياقفه غير الجنوبي
والغريب يقول للي يعلن الحرب إيتهيا
قبل لا نعرف دروبه قبل لايعرف دروبي
.
حسن عامر
.
مرحبا ترحيبة من ترج الى حى العليا
بالعميل اللى يشب النار ويزيد الشبوبى
هاتها ياخوى لاتحتار من تيا و تيا
وانت تعرفنى وانا خابرك لاهب الهبوبي
.
محمدالشهري
.
البقا بك يامرحب عد مامنا لطيا
يارفيق(ن) عارف اسلوبه وهو يعرف سلوبي
قبل ما نوشي على القيفان والمعنى وشيا
اجعل التوقيت ما بين الزوالي والغروبي
.
حسن عامر
.
مانبى يطلع كثير الطبخ يالاصحاب نيا
وانت تعرف كم ذنوبك قبل ماتحسب ذنوبي
انتبه لاتاخذك نخوة صديقك والحميا
وانت من زكى حبوب القمح من ذيك الزهوبي
.
محمدالشهري
.
الجنوبي كل ماقلت العن الشيطان عيا
يحسب إني لقمةٍ سهله وانا في ملي ثوبي
والجبل له هامة(ن) عليا وله ظل(ن) وفيا
لا تحسبني على مد القدم دوبي ودوبي
.
حسن عامر
.
يالغريب الدين واحد ماورى الهادى نبيا
ماجهلنا عن الطريق الحق والمخطى يتوبي
تدعى وانا ادعى ويبين مضمون الدعيا
وانا يارجال ماعلنت الهجوم ولا الحروبي
.
محمدالشهري
.
الجنوبي لا رفع صوته تذكرت الحطيا
يوم يطلق بيته الرنان والقاف العذوبي
والغريب يقول يامن يحتري طلع الثريا
جاك نو سهيل ما يعطيك فرصه للهروبي
.
حسن عامر
.
الغريب ان قلت هاك العلم قال العلم ذيا
عادته حب الجدل ما يسمع الحق الوجوبي
والذى مالله هداه من أين تأتيه الهديا؟
الله الهادى ولا غيره عليم(ن) بالغيوبي
.
محمدالشهري
.
انا اشوف البرق يلمع بين مزنه والرفيا
والرعد نسمع دويه بين مزنه والنصوبي
والهدايه غايت المسلم ولو يبلغ عتيا
غير لاتقلب عن الموضوع يالنشمي قلوبي
.
المحبي
.
انت شفت البرق عقب السيل ما انحا فى النحيا
والسيول السايله تملى وسيعات الغروبي
البروق المسريه تلمع على راس السديا
سيلها وارد على ذيك المساقى والشروبي
.
محمدالشهري
.
اعرف انك تعطي المرضان الى جالك رقيا
واعرف ان قلبك رهيّف واعرف ان قلبك طروبي
واعرف انك لا غزيت تجيب في غزوك سبيا
تغزي القوم بوضوح الشمس ما تنهب نهوبي
.
المحبي
.
الذى ضيع زهابه قال له غيره هنيا
فى ظلام الليل فتش فالمخالى والجيوبي
انت راعى للغنم لاكن ضيعت الرعيا
كيف تهديها مافرقت السمينه والحلوبي؟
.
محمدالشهري
.
الجنوبي كل ما قلت ارجع الدرب السويا
قام يحمل حوبه اللي فيه ثم ازداد حوبي
كم نهيتك يالجنوبي غير ماتسمع لحيا
وانت رجل(ن) فاهم(ن) وانته في المعنى خطوبي
.
حسن عامر
.
 
الغريب ان ماهجد حامت على راسه حديا
ويش اسوى والمشاكل جابها من كل صوبى
ادرى ان قلبك يحن الى السوالف من عشيا
انت ذا يجنى ثمار النخل من ذيك العسوبي
.
محمدالشهري
.
الجنوبي بعد ماجاء كيف يفلت من يديا
باسجنه في سجن مايلقى منافذ له وبوبي
احسبه قد مات قبل العام مير اليوم حيا
بعد ما جابوه جن الشعر في الساحه وجوبي
.
حسن عامر
.
الغريب يحب يسمع للحجاوى والحزيا
قلبه اخضر لاسمع صوت السوالف والكعوبي
كيف تسجنى وانا عندى مية جنى خفيا
انتبه ياجوك من ذيك المخابي والشعوبي
.
محمدالشهري
.
الجنوبي قام يرعبني بجنن من رهيا
وانا قلبي من هذاك الجن ما يرعب رعوبي
واحسب انه من هذاك الذنب قلبه قد تحيا
اثره لا زال في ذنبه مع جنه يجوبي
.
حسن عامر
.
يالغريب الجد جاء واقفى كلام الموزحيا
جبت لك علم جديد الصخر من هوله يذوبي
انت ذايهدى وذايعطى عذوق الموزحيا
والذى صاحب لذيب الليل من طبعه ذيوبي
.
محمدالشهري
.
الجنوبي انتخب عمده لحي الفيصليا
وأنا جيت لمكتبه غير الحرس ما رحبوبي
فكري اهنيه بالمنصب وقدم له هديا
غير ما زكن على حراسه انهم يعتنوبي
.
حسن عامر
.
الغريب الليله اشوفه يوزع له فتيا
والخبر موثوق ماينشر من الرجل الكذوبي
من يشوفك قال هذا شيخ مامثله تقيا
غير ياليت اللذى يمشى فى الزله يثوبي
.
محمدالشهري
.
الفقير اللي لفاك العام وجيوبه خليا
وانته اجزلت العطيه ما تحسبها حسوبي
يوم جاء يشكي عليك الفقر والبطن الخويا
فامتلى جيبه بخيرك عشت ياراع الوهوبي
.
حسن عامر
.
يامزارع كم حصدت العام من فول الصويا
والبلاد العثرى تتعب ثقيلات السحوبى
انت مثل اللاعب الممتاز فى لعب البعيا
بس تارد ماتعود الا تعديت الجبوبي
.
محمدالشهري
.
اعرف انه ما ورد للما يكون رجل(ن) ضميا
واعرف ان الماء بعيد(ن) غير جو واستنجدوبي
ما مشينا يالجنوبي الا دروب(ن) سمحيا
واهل الفتنه ترا ماضقت منهم لو حكوبي
.
حسن عامر
.
الغريب اسمع لصوته كل ليله شيو شيا
والبشر لاشل صوته ناظرو لى واضحكوبي
قد نويت اولع النيران واوشى وشيا
مانا ذا يسقىي مدورة الغنم من نضح كوبي
.
محمدالشهري
.
انت لا من رحت من عند العرب تلقى ثنيا
والا انا لا رحت من عند العرب قامو لاغوبي
اعرف ان البر والأحسان في قلبك خفيا
كم فقارا جاتهم حسناك في وقت الكروبي
.
حسن عامر
.
الغريب اشاهده مبسوط وانا الهم ليا
والقوافى مااظهرت وين النجاح من الرسوبي
راعى البل عقل المرعى وساب الهمليا
وانا ربان السفينه فى يمينى والرسو بي
.
محمدالشهري
.
ما هناك رسوب يارجال والدنيا مديا
غير بعض الناس ماميز كتوبك من كتوبي
اعتبرك العمده ا بحي الهداء وحي الحويا
يوم يقالوا ما بعد بيشه نخيل ولا عنوبي
.
حسن عامر
.
الجواسيس اسمعو ا علمى وعلمك من ضحيا
وانت تعرف كيف عاثوا وافتروابك وافتروبى
والقوافى يالغريب اشبه بعد(ن) منضحيا
خلها تحت الثرى لو يظهر المعنى تروبى
.
محمدالشهري
.
انتهينا يالجنوبي واعتقد هيه بهيا
وانتهينا وانت لا طالب ولا حتى امطلوبي
وانت في العليا مكانك ما خبرت لك السميا
وانت راع الوافيه وانته من الشين امحجوبي
.
حسن عامر
.
انتهينا والرعد البرق نسمع له دويا
والخيام تطيح لو ماوثقوا فيها الطنوبي
يالغريب انت الطبيب وكل جرح له دويا
والمثايل ملحها الايجاز ماتهوىالطنوبي
© 2022 - موقع الشعر