مهما أقولك. لـ محمد نعيم

مهما أقولك - محمد نعيم

و مهما أقولك عن شعورى
الكلام برده قليل
و أكيد حبى فى عيونى باين
و مش محتاج أقدم دليل
و مهما أعبر عن اللى بيا
و مهما تبان لهفة عنيا
و الشفايف مهما تقول
مستحيل تقول اللى فيا
ما انت عمرى انت حياتى
انت كلامى انت سكاتى
انت ابتسامتى فرحى و أهاتى
انت ونيسى فى ساعاتى
ما انت الحقيقة انت الخيال
انت الجواب انت السؤال
انت الوحيد له قلبى مال
انت آخرة شوقى اللى طال

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.