الذيب والجنيه

لا..منت ذيب وماني الجنيه
والكون..ماهو مقفر..وله والي

ماني..على أسمي..لا وليت..النيه
كبد الخيانه..طعنها..يزهالي

هالقلب نمر..وضحكته..ريميه
وليا..تجهم..مايعرف..الغالي

والملح الأسود..كم عطت..يديه
قدم القصاص بطلقه..ماتبالي

وأنا..بدم..أحكايتك..معنيه
كل الليالي..يشهدن..لوصالي

يوم"الحماد"مخير..في..غيه
والحزم..شوري..والنقا..مدهالي

سجيت وجه وناحت القمريه
من نزف..روح..فيضت..مقيالي

والليل..فاع..وضفني..في زيه
والنجم.."لوحد"..كفنه..مرسالي

زل السماح وقالت الشبريه
كل الكلام اللي..يدور..ببالي

والدم الأخضر..حلني وسميه
من جدب..دمعي وإنكسار إظلالي

شدي..أركابك وأقعدي..يابنيه
ذنب الذبيح يحله..الحلالي

والمس ضلوعي..تقل كان..هنيه
قلب..بموته..هيجنوا..عذالي

الذيب مات وضلت..الجنيه
تلعب..بظل..في يديه..إحبالي