حنا خوان وكلمة الحق مافيها عذاريــب - حسن عامر

حسن عامر
سلام ردة مثل طلع النخل والعود والطيب

اسوقها لاهل الوفاء يوم عيد من العيادي
يابوفهد وش حيلة الراس يوم يجيله الشيب

نور الحقيقه مايزيله ظلام ولا سوادي
الهازني

يا مرحبا والبقابك ياهلاء والفين ترحيب
عداد من زار بيت الله وطافه كل عام من العبادي

مايخلف الشيب لامن بان يكود اهل الريب
خلك مع اهل الحقيقه والحقيقه نورها بين وبادي

حسن عامر
فيك البقاء يالهازنى وانت من قيف المواجيب

تاريخكم معروف عند الحضر واهل البوادى
امس العصر مريت بالساق فى روس المراقيب

ساقتني الافكار منها القريبه والبعادى
الهازني

مابه عليكم زود لطيب يا الصاحب معازيب
لطيبه والطيب تبدون في روس المبادي

ساقتك في روس المراقيب وش عينت ياذيب
يومك على المرقاب وش صار ياصقر الهدادي

حسن عامر
ماصار غير الخير واحلام توعدنى و كاذيب

توعد وتخلفنى ولا حققت غايت مرادي
قلت اسأل اهل العرف واللى لهم بعض التجاريب

وشرواك يابوفهد يبدى مع قدح الزنادي
الهازني

ياصحبي حنا بعالم علم ماهو حلم فالغيب
والغيب يدريبه الله خالقٍ سبعٍ وسبعٍ شدادي

وضح سولك لجل يبين ياصاحبي مافيه ونجيب
ولياقدحنا شررة باا لخبر جاك الخبر بالوكادي

حسن عامر
يا خوى انا وضحت علمى وعنونت المكاتيب

غير انت تبحث عن همومٍ خفيه فى فوادي
اما مشينا يالخوى مشية القوم الاصاحيب

ولا نقولك بالسلامه وقيدنا الجوادي
الهازني

ياخوي بعض العرب ماله ومال الزيروكليب
ماخطيت اناوانت لكن شوف منهو صارغادي

انامعك طال عمرك مانبا بعض المناديب
معروف بالطيب مادك طال عمرك ومادي

حسن عامر
حنا خوان وكلمة الحق مافيها عذاريب

والهازنى معروف بالسلم ولا بالجهادي
ترمى ونرمى كلنا نخطى الاهداف ونصيب

لاتنزعج من شلت الصوت لا نادى المنادى
الهازني

حنا خوانٍٍ ونفتل يالجنوبي للاشانيب
لمضيع الدرب نصحي في صباح وفي هجادي

ترمي ونرمي عطب رمي الاصاويب
اليا دعى الداعي اعرف للمعادي معادي

© 2024 - موقع الشعر