والهرجه الهينه تعرف بعنوانها

لـ حسن عامر، ، في غير مُحدد، آخر تحديث

والهرجه الهينه تعرف بعنوانها - حسن عامر

البواردي
سلام ردية مني تعم الجميع

على النقا مشيها والصدق عنوانها
غنيتها للنشاما قدر ما نستطيع

والي يبي الطيبه يتعب على شانها
حسن عامر

ترحيبة وافيه تعلن بصوت المذيع
باللى يشارك فى الغاره وميدانها

تشري ليا جيت يم السوق ولاتبيع
للخيل خيالها وللحرب فرسانها

البواردي
انته جنوبي وبصنع فالجنوبي صنيع

لاتزعل اذياب تاكلكم بنيبانها
حنا شرينا وبعنا فالمكان الرفيع

والبينه الجيده من جيد سيسانها
حسن عامر

ياصاحبي عندنا معروفكم مايضيع
لاكن بندقك لايختل نيشانها

ازهم لعبد الودود وقل لعبد السميع
شوف العماره بدات تهتز جدرانها

البواردي
الزبده الي بجنب النار بكره تميع

الناس جابت حطب وتشب نيرانها
بس الوداعه تراها في يدين الوديع

ورجال مكة تعرف دروب بيبانها
حسن عامر

ترا الجنوبي همام وكل عاصى يطيع
ياللى تشب اللهب يعميك دخانها

حنا جبال القهر فى صيف ولاربيع
احذر على عملتك يختل ميزانها

البواردي
راع الشجاعه ماقال انه قوي وشجيع

الناس تهرج فعايلها عن السانها
انتم جبال بها الراعي يسوق القطيع

ماحصل الا التعب في روس ضلعانها
حسن عامر

لاوالله الا غديت ولا شفع لك شفيع
ياداعم اجبال ماتقدر لدفانها

ازبن هوازن هلا الفزعات ولاسبيع
قدام بقعا تعشي فيك ورعانها

البواردي
حنا ياولد الجنوبي مثل سد منيع

وبحور تغرك كان اردت سبحانها
الطيبة عند اهلها وانت عندك رجيع

تراي حربي وحرب اتعز رعيانها
حسن عامر

ماقلت فى حرب زله يالمريض الوجيع
والهرجه الهينه تعرف بعنوانها

لولاالجنوبي غديت انت العشاء للضبيع
لاتحضر الهيّه اللى قام شيطانها

© 2026 - موقع الشعر