الحد الجنوبي

الموطن اللي كلنا له فدايا
نحميه من كيد العدو الغشيمي

من دون حده كلنا له ضحايا
سلم السعودي في جديد وقديمي

حنا نصد الكايده والرزايا
يا جعل اعمار العدا ما تديمي

من سبت شمرانن وسبت العلايا
ولا شمال ونجد وحوطة تميمي

ولا بكل انحائها والزوايا
حنا الرجال اللي تبت الصميمي

حوثي ومن يدعمه انجس برايا
ايران تبشر بالعقاب الوخيمي

حد الجنوب ارجاله اعظم بلايا
على ولد صالح بسيفن صريمي

ورجال حد المملكه بالشظايا
ترسل وجيه اذنابها للجحيمي

لا تآمر الاعداء بخبث النوايا
حنا هل الظفره بنصر العليمي

في طاعة الله ما نهاب المنايا
ويبقى الوطن في حفظ ربن عظيمي