بن عربيد - خليف الوهيداني

تكفى يابن عربيد... يامكرم ..الجار
يامزبن اللي جاك يشكي من الدين

يامن عنك نشرت جميلات.. الاخبار
بالطيب  مع... ناسآ بعيد و...قريبين

وغنوبك .لاقصين جزلات... الاشعار
وجاروهم بامدحك بالاشعار الادنين

يابن.. زبن يازبن.. ضايق.. ومحتار
يامن ..لوقفاتك ..شهود و...براهين

فراج.... يافراج... ياواف ...الاشبار
ياللي لك علوم.... المراجل عناوين

انخاك نخوا.. من.. عليه.. الزمن دار
وينخا الرجال اللي بالافعال وافين

اللي  لهم بالضيق فزعات واذكار
ورفيقهم مايشكي.الظيم.. والبين

ولاقابلوه  اليا. نخاهم.. بالاعذار
في كل موقف بالفعل.. مستعدين

لوهو بانطح الموت قصاف الاعمار
ولو المنايا ...دونه .يسار و..يمين

شرواك يامن لك اهل الطيب زوار
وياوقفن بالطيب... بالعسر والين

ياحر ..يامطنوخ... يانسل الاحرار
يابن الرجال اللي على الطيب ناشين

ورجالهم وسط... الرجاجيل... مابار
شيوخ الرجال اهل الكرم والسلاطين

ريف الرفيق.. اللي عليه الزمن جار
وستر الدخيل و.للمعادي عما عين

وانخاك انا ماهو خفا كشف وجهار
وانا دخليلك عن اهل الدين والدين

اللي نوو علي... بالدين... الاضرار
وامسيت منهم ضايقن خاطري  شين

ولاعاد اللي منهم ..مجنب ومفرار
وهو ..علي ...بكل... مكروه ..ناوين

وجيتك دخيل بانخوتي قدم الانظار
وانخا الرجال و...الانخيت الرديين

وانخا سديدين.. الفعايل ولاشوار
والانخيت اللي عن الطيب مقفين

واللي لهم بالطيب والعلم. مشوار
ويوم النخاوي بالفعول مخبورين

وانا انتظر ردك. على و.اهج النار
وفزعه منك تنثر لها دمعت العين

© 2024 - موقع الشعر