ركب اللي من جبال طويق كزاّ - نافع الحربي

راكب اللي من جبال طويق كِزاّ
من روابي نجد للمندوب جازي

أبيضٍ شرهٍ يقز الدرب قزاّ
كنه اللي له عزاوي وارتجازي

لا لمسته في بهام الرجل فزاّ
فزّت اللي في سباق لكاس فازي

راسيٍ بالدرب مشيه ما يهزاّ
لو مشى ميتين ما فيه إهتزازي

عند غير اللي يعزّه ما تلزاّ
له مع الشيمة مواجيب ٍ إعزازي

فوقه اللي لألتزم بالأمر عزاّ
من رجال الطيب ضرس ٍما يهازي

مرسله يوصل سلامي للأعزّا
لابةٍ عنهم ردي الطبع حازي

ذكرهم عندي يهز القلب هزاّ
هز غصن الريح بشعاف النوازي

ياجميل الشعر عنّي لا توزاّ
لا تشح بكاملات الأمتيازي

كان ما انته من بديع القول رَزاّ
وافي المطروق مصقول الطرازي

ما شفيت اللي به الهاجوس حزاّ
ربعته في نجد وجبال الحجازي

والسلام اختام قولٍ ما يجزاّ
مثل برق الصيف بالمزن ارتكازي

شعر / نافع بن مطر المرواني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر