شوشي ياعتيبه على شيله مهنا - طلال بن نشار

شوشي ياعتيبه على شيله مهنا
للوطن كل القبايل حاضرين

مع هل العوجاء رماح ماتثنا
كل شعب المملكه درع حصين

يوم صقر المملكه وحد وطنا
قامت عتيبه معه دنيا ودين

ابن حميد الحمل شاله ماتونا
للفخر سلطان سيف مايلين

لابة فيها الفخر منا ومنا
المقاطي فخر كل الابتين

والامير عمر مجده ماجهلنا
من رباعينن لهم مجدن متين

الحمول تضيع لاجاها جملنا
والثبيتي فخرنا في كل حين

وراعي البرصاء عدوه ماتهنا
مناحي الهيضل خصيم الطامعين

من دعاجينن يغيثون المعنا
بالكرم والطيب دايم فايزين

وفي رقاب الترك عمهوج استكنا
عزوة للظيط كساب السمين

الشيوخ اهل الحيول الي تعنا
لابة العضيان عون المستعين

والامير عقاب مزبان المجنا
ابن عميره ياكعام العايلين

مع عقاب الخيل مايلطم ضعنا
من مغايرة تضد المعتدين

وابن فهيد ارماح وسيوف تسنا
من شيابينن يبتون الوتين

وراعي الحرداء خيولة يسجرنا
المحياء فوق سردن معتزين

من حناتيش لهم بالحرب فنا
جمعهم يرهب قلوب المرجفين

والعصيمي سعد من يمه تعنا
أشهد أن ابالعلاحصنن مكين

وجامع الروسان رد العلم عنا
شيختة تبقى على مر السنسن

واذكر ابن شريم في ماضي زمنا
فزعة المظهود لاجو منكفين

وأن نشتدوا عن زحول القوم حنا
الاد دلبح فالمواقف حاسمين

والعطاوي صاحب السيف المحنا
لابة شليويح حماي القطين

واهل بيوت على الطاله تبنا
لاتعزوا المرشدي عز العوين

ياعتيبه ياهل الرمخ المطنا
كلنا دون الوطن درع حصين

© 2024 - موقع الشعر