من قيل مامن خير قربه مابه خير
خل الردي يلقى شبيه مثيله
ومن لاحتما عند الظروف البواتير
يقطعك ساق" يم داره تجيله
وقت السعه ياكثر ناس مسايير
مثل الجدي ماحتار منه الدليله
وان شان في كبده تدق المسامير
ويصلى فواده فوق حام المليله
الا حرار من سلايل مغاوير
من لاذ فيهم بردو له غليله
ياجعله يفداهم كثير المعاذير
شحاح المبادي كارهين الجميله
من عاش فيهم له مكانه وتقدير
يموت ماحسه من الدهر ميله
كلن عضيده وعند ربي التدابير
الوافي يلقى له جموع تشيله
احوالنا مابين جهام ومغاتير
واعمارنا مافات باقي قليله
يالله لعبادك تزف التباشير
والحول والقوه لمن هد حيله
واختامها مسك وفوح النواوير
وصلو على محمد رسول الفضيله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.