رد على خالد بن ملهي - مسفر بن العلاج العرجاني

وصل سلام اللي بيوته تعاجيب
نشت كما ربد القنوف الظهاير
 
براقها لمعة حروف المكاتيب
والرعد صوت اللي على الطيب ساير
 
يمناه ترمي في المهمات وتصيب
خالد فداه اللي عن الطيب ذاير
 
ابن ملهي كاسب الجود لاريب
في رفقته مانستمع شور شاير
 
من روس قوم ن يحتمون الحنازيب
ايمانهم بادت شيوخ العشاير
 
أليا التقوا غارات عكف الاشانيب
خصيمهم دارت عليه الدواير
 
المحسني يربى على الطيب ويشيب
واليا اعتزا في الحرب سوا العباير
 
قلته وانا في كلمة الحق ما اخيب
لي منزل ن في رأس عيطا وصاير
 
من ال سالم شوق بيض الرعابيب
كم من عقيد ن وسدوه الزباير!
 
كم صدر شيخ ن قطعته المخاليب
عشا وحوش البر عاوي وطاير
 
 
سقم الحريب امتيهة شمخ النيب
في ساعة ن الروح ضمن الخساير
 
 
والحق دامت تشرق الشمس وتغيب
ما احتار فيه إلا قلال البصاير!
© 2024 - موقع الشعر