ان زعلنا وان رضينا كلها الدنيا تروح - حسن عامر

ابوتركي
ياخوي الذيب عندي سالفه قم حلها

بالقصايد والمعاني دقها مع جلها
عن فلسطين الحبيبة من هو اللي احتلها

ان رضينا وأن زعلنا كلها الدنيا تروح
ياخوي الذيب قم وانتبه جتك المعاني

لاتقول أن المحبي ضعيف ويا حليله
حسن عامر

التخاذل والخيانه والعماله لليهود
وعد بالفور الذي زور وبدل فالحدود

والبعض باعوا وطنهم لليهودي بالنقود
أن رضينا وان زعلنا كلها الدنيا تروح

يامحمد دوب جات الاجابه من لساني
للمواقف خابراك شاعرن مافيك حيله

ابوتركي
كان لي وجهت نظر لكن مدري وش حصل

مدري اهل البيت الأبيض ينصفوني واتصل
خايفٍ مع كثر الأحداث أن صوتي مايصل

وأن رضينا وأن زعلنا كلها الدنيا تروح
دوب ماورد علماً وباقي علم ثاني

والجمل للحمل لامن برك يقدر يشيله
حسن عامر

وجهت الانظار بانت يوم صححنا الغلط
والحروف المهمله معلوم ما فيها نقط

من غلط يرجع ومن واصل الزله ورط
أن رضينا وان زعلنا كلها الدنيا تروح

العلوم علوم في السر ولا في البياني
بعد جردنا السيوف الصوارم والصقيله

ابوتركي
جيت بحسبها يسار وجيت بحسبها يمين

عيت الدنيا توازن ميلوها المايلين
لو يعدلها المعدل فالمميل واجدين

وأن رضينا وأن زعلنا كلها الدنيا تروح
ماخفي فالصدر لابد يظهره الزماني

الزمان أن جار يظهر لنا اعلومٍ ثقيله
حسن عامر

خلها تمشي على ماردها الله وبركه
مستحيل اخاوي اهل البكبكه والشكشكه

من يقرب من مكان الجرب جاته حكحكه
أن زعلنا وأن رضينا كلها الدنيا تروح

نحمد الله عن دروب الغلط ملجم حصاني
لين جتنا الثالثه مابقي في يدي وسيله

ابوتركي
ابشر انا نمشي اعلى الخط الأنسب مانحيد

دامت الدنيا تميّل لو عدلنا مايفيد
صح ماقال المثل مال للحديد الا الحديد

وأن رضينا وأن زعلنا كلها الدنيا تروح
انت قلته خلها ماشيه ولها الأماني

السفينه فالبحر للمسافات الطويله
حسن عامر

الحديد انواع شي منه صلب وشي وشي
والزمن يثني قرون اللى براسه شيوشي

للسيوف الصلصله والوشوشه للوشوشي
أن زعلنا وان رضينا كلها الدنيا تروح

حافظين سورة الكهف والسبع المثاني
وابرهه يوم الله اعماه مات ومات فيله

© 2024 - موقع الشعر