اسمع رعود الصيف يالله فى يوم مطير

لـ حسن عامر، ، في غير مُحدد، آخر تحديث

اسمع رعود الصيف يالله فى يوم مطير - حسن عامر

البدع00فتى الجبل
.
العهد والميثاق قصه بطلهابو بصير
والصقر والعقبان طارت وكان الرخ طير
وإن عزّت ابيات القصايد فعزة يا كثير
وجن بن دأود في وج كم قد حاك بير
الربع ما شافه ولا الثمن والنص إيحه
والزوبعه شلت بيوت الشعر وأطنبها
.
الرد00حسن عامر
.
الحمدلله ماشكيت العمى وانى بصير
اخذ علوم السوق من وارده ومن الخطير
واعرف ديار الحجزواهل التهم وبنى كثير
هرجى على معناه لاتحسبه فنحاك بير
امشى مع اهل العرف والعلم والنصايحه
ولا تروعنى هروج البشر واطنابها
.
البدع00فتى الجبل
.
عبر الفضاء والبرمجه في قنوات الأثير
يا مرحبا بك يالمحبي ونشهرها شهير
أنت الجنوبي من غلا أسمك تذكرنا عسير
ولا تحسب إنك غير يا صاحبي والناس غير
من صاح فينا صيحة الموت لبى صايحه
ان وردت بقعا علينا وكشر نابها
.
الرد00حسن عامر
.
اهل القيافه يعرفون القفور من الأثير(الأثر)
فيك البقاء فى كل يوم(ن) وليله والشهير
واذا مشينا نمضى السهل ماجينا عسير
حفظت حكمه من رجال الحكم وانا صغير
من طاوع الشيطان صاحت عليه الصايحه
والهينه ما نشتريها و لاشرنابها
.
البدع00فتى الجبل
.
العين رفت والمفسر يعبرها نذير
ما تختلف رفاتها للبصير وللضرير
وآمالكم ما ساهمت وقت تحديد المصير
في عالم يرقص طرب من معاناة الفقير
من طلسمة عرافكم ما تنوح النايحه
يا اللي نفثتوا في العقد ما تعوذنا بها
.
الرد00حسن عامر
.
سبحان رب البيت ذا للبشر مرسل نذير
مايعرف الصحه ومقدارها مثل الضرير
اللى شكى من علة داخليه بالمصير
ولا الذي منشل منه المفاصل والفقير
عرافنا يابيه جاب الهروج النايحه(الناجحه)
يوم العقارب ماتت وسمها باذنابها
.
البدع00فتى الجبل
.
سر يا مقدم قبلنا لا تعبت من المسير
والصبر مفتاح الفرج ، حكمة للمستنير
والتقنية تقرب الفوت والعالم صغير
كوفي عنان ينفذ اللي طلب بوش وبلير
وأبو عدّي صدام سّجل براس اللايحه
ومحمد الصحاف غنى وغنينا بها
.
الرد0 حسن عامر
.
صدام ريس قبل كم شهر غير اليوم اسير
وين الرجال اللى ببطشه وظلمه تستنير
بغداد باقى نصف سكانها والنص غير
والنفط فى يد بوش ماعاد بقى بوش بير
والله واعلم وش ورى ذا البروق اللايحه
مانرجى الا رحمة الله يغنينابها
.
البدع00فت الجبل
.
القنصلية كلها والسفارة والسفير
ما فادة الشعب المشرد ولم تجبر كسير
في يوم منهاتن والأبراج والصالي سعير
الغرب متجمع وحن من نثير في نثير
ضعف ووهن الا هممنا جميعا طايحه
وإن قال واحد ملحمة شعر حيينابها
.
الرد00حسن عامر
.
رحنا مثل ذا يسرى الليل من دون السفير
يغوى ويعمى طرقته يحسب ان السلك سير
بالسوق نلقى للرخيصه وللغالي سعير
ماعاد للبارود نسحق ولا عدنا نثير
هذا الزمن جمم قرون لها نطايحه
حتى الحجج ذا الوقتكل(ن)يحيينابها
.
البدع00فتى الجبل
.
الطب شعبي ، والمعالج بوصفاته يشير
مرّه يعالج وأكثر الوقت في الوصفه يحير
بالخص للي يشتكي موتة له بالضمير
عجز الفرزدق في وصوفه وعجز بها جرير
رغم الفساد اللي تبنى وكثر فظايحه
ما حد تجرأ في الصحافه يعلمنا بها
.
الرد00حسن عامر
.
قالوا ذراع البوصله فى جهه وحده يشير
والعود لاضمى يوم تثقل له الحمله يحير
وان طال وقت القحط للمزرعه مات الضمير
والسيل يعرف من مخاله ووقعه والجرير
يالمحترى للشمس بكره تولف ظايحه
احذر من انياب الضوارى تلعمنابها
.
البدع00فتى الجبل
.
شل الحمول الكايده يا جمل وبلا هدير
والضاميه تارد على البحر والا ع ( الغدير)
وارى الحلال اليوم دنّق على حب الشعير
من بعد ما كانت تغذى على دقّ الخشير
الوارده ياخوك ماهي بمثل الرايحه
ما يمدح الهبابه الا الذي ذّّرا بها
.
الرد00حسن عامر
.
انا توليت أمر بعض الخلايق وله ادير
ماهمنى لو حاك بعض الدسايس والغدير
متى نويت أفتت الصخر واشعرها شعير
واشير راع العقل مانا اللذى للدلخ اشير
يا زارع الحنظل تدورلظل و رايحه
ترى الحناظل ماتضلل لمن ذرابها
.
البدع00فتى الجبل
.
صالح سعد والا سعد والا عايض بن خفير
والا حبيّب يا الجنوبي وشر(ن) مستطير
يمكن سعيد الحارثي يوم مدقال وزير
والا خلّف لازاع بالصوت ما مثله نظير
ما دام به هيئة سياحه وناس سايحه
فالحجز يضمن لك حجوزاتها وإركابها
.
الرد00حسن عامر
.
احذر تجاوز عن حدود الخفاره يا خفير
بعض الصقور الجارحه من صدى النيمس تطير
ترى الوزاره مايقدم لها غير الوزير
الونعم اوفيه وا قدره ماله نظير
أعطف الى منى نظرت الدموع السايحه
والكبتنيه يالفتى لا تدور كابها
.
البدع00فتى الجبل
.
القافله وأميرها والحواشي والبعير
وأرض الحناشل مقفره كان ودّك تستخير
ما يرخصون أرواحهم في حرا مدين مير
نشر على بيشه وتشر على حوطة سدير
الهاتف الجوال واللي يصين شرايحه
يرسل رسالة شكر يا نابه يصحابها
.
الرد00حسن عامر
.
من يشرب الكوثر يعاف الهمايج والوعير
والحمدلله عندنا من فضل ربي وخير
والفرق واضح بين نمر العوادى والنمير
انا اعرف العرر ونخل اهل بيشه والسدير
من غير ما نبدا نعيد الخبر وشرايحه
البايره بالسوق ماجابها الاصحابها
.
البدع00فتى الجبل
.
أشقر جنوبيات وألعب على قلطة مطير
واللي تبي يا مشرف الشعر لا بدّه يصير
ما دام لي راس يشم الهوى وأزفر زفير
آمول الموال وابني بيوت ما تبير
ما عندنا الا بن صنعاء وعوده فايحه
في جال ضو(ن) .زوّد النار يا شبابها
.
الرد00حسن عامر
.
اسمع رعود الصيف يالله فى يوم مطير
لكن باغلق كل باب(ن) مع فتحه يصير
وابعد من الهرجه اذا جالها ريحة زفير
من يوم جات التحليه يالمزارع مات بير
ماحد يخاف اليوم برد الشتاء والفايحه
وابو شمال ارض التهم والحجز شبابها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر