اسمع اسمع يالمحبي علمــــــــنا مافيــــــه ريبه - حسن عامر

الهازني
اسمع اسمع يالمحبي علمنا مافيه ريبه

وش يجيب الريب عندك وش سبب بعض العلومي
كل صاحب عرف يعرف وش خطاه وش مصيبه

وانت من ظمن العوارف لاتطوف عن اليمومي
حسن عامر

واجب أن تبدأ السلام وانت عارف من عتيبه
ياعميل الخير لا تنسى العوايد والسلومي

المحبي مايضل الدرب فى لارض الرحيبه
وانت خابر كم تعرض للمحبي من ظلومي

الهازني
التحيه فالبداية سقتها سوق النجيبه

سقتها الك قلتهالك ياعسى عزك يدومي
لاتعد اللي طواه الوقت وقفى وش تبيبه

احسب المقبل ووقت للمغادر والقدومي
حسن عامر

لامشينا ماركبنا الا على الخيل النجيبه
وانت يارجال فيك الخير وافى ومحشومى

المحبي ذيب عادى فالجبل توحى قنيبه
امسك الدرب اليسير ولا تلام ولا تلومي

الهازني
مادرينا يالمحبي بالمطالب مع طليبه

صارت النشره غلط يالقرم ياذخرالقرومي
والمحبي مانذمه ذيب غدرا ينعديبه

مير لو وضح لنا دره وقومه والوسومي
حسن عامر

المطالب قام يهذى يوم صابته المصيبه
يوم عرض للسموم ووسمه بعض السهومي

والمحبي راعى الغارات ويعز الكتيبه
ولع النيران وابشر بالذى يروى الخصومي

الهازني
كان ودك ودي اشهر للبعيده والقريبه

مالنا فيها والا في قيس مع لليلى لزومي
انت ياعز الكتيبه فيه شيخ ن في غليبه

في شمال الدار فيه غبون يشكي من يقومي
حسن عامر

كل شيخ له ربوع وله مقام يعتزيبه
والغليبه ماتدوس الا النعامه والرخومى

الصقر حوران مايشبه طيور العندليبه
له مخاليب حداد وله جناحين تحومي

الهازني
له ربوعن يالجنوبي راحو اهداف وضريبه

للعدو والفقر والغربال واحداد السهومي
وانت مع غيرك تشوف اللي يصير ولاتجيبه

حاكمٍ بين اربعة جدران محصور محكومي
حسن عامر

من مشى يالهازني فى طاعة الله ماتخيبه
مايدور فزعته من يم خال ولا عمومي

دام ذاك الراس حى وماركز فوقه نصيبه
يرتجف بعض البشر بالخوف ويعد النجومى

الهازني
صح قولك طاعة الله للذي طاعه كسيبه

مير وين اللي لها يسعى ويحزم فالكمومي
دام عز اهل المعزه كل راسٍ فيه طيبه

لكن الساري سرى والجو جا دونه غيومي
حسن عامر

من توكل واستقام ووحد المولى يثيبه
والحياة ايام تمضى بالسعاده والهمومى

سارى الغدرا فطين وكل سوق يشترى به
فارس صنديد من ذيك العرانين الشهومى

الهازني
من توكل ياعميلي ثم صرف مافالحقيبه

من خزاينها هدايا للدفا ع وللهجومي
لين يصفي صافي الايام ويعد الرقيبه

وياصل المقصود والهقوات من كان محرومي
حسن عامر

يامتى يالهازنى ترجع فلسطين الحبيبه
كان عيدنا بعيد وكان وزعنا القسومى

الخطيب اللى على المنبر تلعثم فى خطيبه
بين ذيك وذيك ماوضح رموزه والرقومى

الهازني
تو شفت علاج جرح ابالعبائر ياطبيبه

بعد طال الوقت شفت من السراه اهل الجمومي
والخطيب اسمع خطابه وحفظة في وسط عيبه

قلتها واقول صح وخلها تحت الهدومي
حسن عامر

الصخر يالهازنى ماحد قدر يتورهيبه
من يطلع جم صافى من صليبات الرجومى

مات ابو ليلى المهلهل ماقضى من دم كليبه
وانت تعرف وقفته ليما التقى قوم بقومى

© 2024 - موقع الشعر