زفرة انفاس - أحمد الظفيري

يا بنت لا تشكي عن الناس والباس
رب الخلايق لاخلق ناره اسباب

ما يفضح الضيقه سوى زفرة انفاس
واللي خلقنا نحتسب فيه الانحاب

بعض البشر يا بنت ما عنده احساس
واليا نخيته قفلن كل الابواب

شابت رموش السهر في واد هالناس
يوم الفناجيل اختفت عنها الاصحاب

هذا الزمن يا بنت ما فيه مقياس
وعلومن انكفت زمن فك الاطناب

ما غير ذكراها انقلب فيني هوجاس
يرحمك يسهيل البشر تالي تراب

والا القروم اللي تبي باقي عالراس
تزبن لها في كل عايق ولو شاب

تبري جرح قلبن بنيته من الماس
والناس كم يا بنت لا طاحت اسراب

© 2024 - موقع الشعر