الحصن المنيع

احيان احس اني من الهقوات بدركها جميع
واحيان احس اني ضعيفن ما قدرت اطولها

وش حيلة اللي لا بغى هقوه تصد وما تطيع
ووش حيلة اللي ارقه فكره يا كيف ينولها

دام ان مرامي صاب من شمران ما ظني بضيع
لكنها ذا اليوم صارت صعبتن واقولها

صفيت معهم في المسار ودوري من ضمن القطيع
لابد ما ياتيه وقت ، الا اذا جا زولها

واشهد شهادة للعلي قدامها حصنن منيع
لا من بغيت اشوفها من شرعها واصولها

لا لا تلوم اللي فؤاده قام منها يستميع
كثرت تناهيد الهوى من ثغرها ومعسولها

يا ليت لي صبرن قوي يا ليت لي صدرن وسيع
لكن دعاي لمن ملك حيلن عليها وحولها

اسئلك يا من دايم اياته على المنبر تشيع
انك تفرج كل معسورن شكى من هولها