الثقل من سلم الرجال الحكيمين
اللي زللها ما ظهر للخلايق
تصد عن بعض البلاه الحقيرين
وتكرم لحاها عن كثير الخنايق
وتسكت عن اهروج الغثا والشياطين
يوم ان صدر الهارجين متضايق
وانا معد بمسك لساني يبو حسين
واوردت في شرحي كثير الحقايق
يا ليش ما نلقى مع الناس ثنتين
فزعة كريم وزايلات العوايق
يومي توقعت البشر دوم وافين
ما هو بعذر لقاطعين الطرايق
وانا تراني ما خبرت العذر شين
الشين ف اللي خطوة الشر سايق
ناسن تروم الأوله في الميادين
وشخصن من اموال البشر دوم بايق
همه ملا بطنه ورقص المزايين
واحوال خلق الله تروح بحرايق
يملك من المليوون ما فاق الألفين
وغيره من اليومين ما شي ذايق
انشهد اني قلت ما تشهد العين
ببوح دامي طقت ما الغير طايق
وشفني كسير الظهر من وقعة الدين
حسبي على المقصود نسل السلايق
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.