سكة غلاك

لـ ممدوح السعيدي، ، في غير مُحدد، آخر تحديث

سكة غلاك - ممدوح السعيدي

حلم بنيته على سكة غلاك انهدم
ياناوي البعد هذا البعد انا مقدره
لاصار قلبي يبيك من حبها ما سلم
رموش عينك على كل حال مسيطره
سبحان ربي رسمها لك باحلى رسم
مالوم قلبي في حب عينك واعذره
شوقي لها يا بعد عمري شوق انظلم
عجزت حتى عن عيون الناس استره
اخايلك كل ليل وسط النجوم وابتسم
واسلي خاطري من غيبتك واجبره
الهجر ذباح وغيابك سم حالي سم
لكن واجب عليك هذا الزمن تحذره
احلف برب العباد واقسم بربي قسم
غلاك في داخلي ما تغير مصدره
بس اعرف اني كتبتك في قصيدي نظم
حرف يناجيك وحرف يطلب المعذره
مدري عشقتك خيال مدري عشقتك وهم
مدري حقيقه هواك مكتوب لي اخسره
واليوم خايف يقول انساه واقول تم
واللي عجزت اقدره يجي يوم واقدره
© 2024 - موقع الشعر