ولّ ياهذا لزمان القيلباني

لـ حسن عامر، ، في غير مُحدد، آخر تحديث

ولّ ياهذا لزمان القيلباني - حسن عامر

ول يا هذا الزمان القيلباني
كيف يرضيني بشين مارضيته

الضروف تخلي القاسي لياني
تطعمك بالمرّ شيٌ ماشتهيته

دورة الأيام مافيها أماني
احترس من غدرها ياللي نسيته

علم واضح ما يباله ترجماني
الخبرواضح الى منك قريته

واحمد الله واشكره فيما بلاني
يالله أن تلطف بعبدك لابليته

والله انه مانسى ذكرك لساني
يا عظيم تخلق الحي وتميته

كم رفيق ساعة الشده نساني
كنت اضنه معنزي ليمن نخيته

واكتشفت انه كذوب وبهلواني
يدرق ويروغ لوأني نصيته

كيف لو وقتي على مثله حداني
كيف لو أني على حاجه رجيته

وكم صديق من بعيد الارض جاني
لو بغيت اوفيه حقه ماوفيته

© 2023 - موقع الشعر