خذ من نشيدي

بسم الله الرحمن.. في كل ساعه
قبل الحديث وقبل شعر وسماعه

سلام وافي جاه في دور واوجاه
للي لهم... كبر الجمايل مذاعه

يلقيِ شذاها بين راضي وزعلان
جدوى بهامكنون صدري مشاعه

للمجد ناس ...وقوته فعل وافعال
والشعر يزهو في حروفه براعه

ودام اجمعتنا حفلة الفذ بوحسام
في دار بوصالح وميزة طِباعه

راسٍ حكيم وطيب القلب وانسان
وابنائه الافذاذ .... عز وذراعه

مبروك ليلتكم.. ومبروك لابناء
والله..... يوفق بينهم في بقاعه

انتم هل العليا وفيكم ذرا اجيال
والجود فيكم ما يلاقي وجاعه

من ماضي الايام وبكل الاحوال
انتم هل المعروف وانتم سباعه

يا بو حسام الفيت في قدر دعواك
ودعوة الفارس.... تلبى ب طاعه

وهذا نشيدي ..يحكمه فكر وبيان
للي لهم في العقل... قدر اتساعه

مرت علينا .. ايام واحنا في الايام
والوقت شاكي في ديار ورباعه

حتى الضمير انزاع وجماله انزاع
وصاحبه محمود في ارضه وذاعه

حتى العمايم ...في تقاليد وانساب
مره مع الخزرج ..ومره قضاعه

الله يحاسب من توارى وراء اشياء
والمجد صامت. بين شاري وباعه

ياشيخنا.. لك في الموازين ميزان
نرفع لها البيرق . ..وحكم اتباعه

هذا قصيدي به محبه بلا اثمان
والشك زايل.... والموده قناعه

خذ من نشيدي طيبه وانت نشاد
وان قلت لا امرك وسمعٍ وطاعه

والخاتمه صلوا على سيد الاحباب
شفيعنا..... وهداه نورٍ ..وطاعه