تكفى تعال وضمني - أحمد الظفيري

يا ناعس الجفن الذي حيرتني
بين العيون اللي بها الرمش اكتحل

واقرا الخدود اللي بها غامزتني
ضحكة هنوفن كلما فيها عسل

تكفى تعال وضمني بس دلني
لاني متى شفتك ترى كل شي فصل

مهما تقول اللي جرى وش هزني
حبي معك اغلى شعورن لي حصل

كني قبل واحد يتيم وشفتني
واعطيتني قلبك وفي قلبي وصل

ماقوى الحكي في شوفتك فلستني
كثر الغلا وشلون اوصف هالثمل؟

دللتني لاقصى شعورن مسني
شربتني خدودك ببسمات وخجل

عذبتني فيذا الدلع من صدتني
صارت حياتي بس غزل يلقى غزل

يا صاحبي قرب وجنبك حطني
يمناك لو جار الزمن او لك زعل

تكي على صدري وقلبي يعتني
باغلى طفل شاغب حضوني واسفهل

© 2024 - موقع الشعر