رد على عامر بن نوطان :
لا يا مرحبا مليون بالرد لي في حين
لفاني مع الهاتف وفزيت له فرحان
وفزيت له كنيى ملاقيه شوف العين
على كلمته لي تنعش الروح لي ولهان
ذكرت المفارق يوم ردوا وحن عجلين
مع الصيف الأول تالي الشهر في رمضان
أنا عقبكم كني خلوج مع ممسين
تدور ولدها يوم ذبحوه للضيفان
اشتقنا لعامر يوم كنه بصير العين
وربي فتح له خاطري كنه الديوان
مع ربعه اللي عندنا كلهم غالين
أهل سربة لا حولو تروي العطشان
وبلغ سلامي صوب الأقصين والأدنين
على المنطقة واللي سكنها من العربان
لزوم علينا وصلهم والمعين يعين
على الموتر اللي ورده مصنع اليابان
إلا شفت بارق صوبهم يختفي ويبين
غدا القلب يخفق خفقة الطير بوجنحان
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.