كل ماجيت ابي شوفك لقيت الرقيب
عجز عنه المرض والموت متاودره
كان بك فزعة لي هاتها قبل اشيب
الوصل والمواصل مايبي جرجره
كن جرحي بك اشوي يالحبيب اللبيب
شايف فرق حالي بان ف المنظره
قمت اسولف مع العربان وأخذ واجيب
واتعجب من اللي حبش وانكره
واتعجب من اللي حب طفل غريب
كل ماشاف عظم جابر كسره
واتعجب من اللي بالهوى مايثيب
وكل ماشاف باب منفتح سكره
واتعجب ولله العجب ياعجيب
من حبيب يحسب الذبح بالحرحره
يوم جمع دوا جرحي وقربت اطيب
وشافني مشفي للعافيه فنثره
يالله اني دخيلك من رداة النصيب
من تردى نصيبه عزرت به مره
رحت انا في خبايا مرخصين الحبيب
ولا تلمون عاشر ياسعود عشره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين