وادي الضبا

يالبارحة حين ما هبت طيوف الضبا
جتني سوالف قديمة واستهلت نباك

السالفة / مو مساء الخير / ويا مرحبا
السالفة في غيابك كيف اسامر غلاك

من حين ماغبت عن شوفي ونومي جبا
ومن حيث ما اوجه اللهفة بعيني تباك

يا ميسم العشق / تذكر في زمان الصِبا
يوم انتواعد واجيلك وانتظر في حراك

بصحصح الليل / واتحرى قدوم النبا
من صوت خلخال يتهادى بنقلة خطاك

وابدأ ادوزن/ طواريق الغلا واطربا
عسى تقوله شفاهي حين لمسة يداك

واستقبلك مثل نسمة وكل ما تقربا
أضم بالجفن لحظة /طلتك يا ملاك

يالبا بسمة شفاهك لبا طلة ..(...)
فالله / يهنّي /العيون اللي تعانق سناك

فهناك نرمي هموم البين / والأغربا
ما يوم جاوز لقانا همسة من شفاك

ونروح لأبعد خيال ن يستبيح الغبا
ونعود لأقرب مسافة تستلذ ابهواك

والليل يقصر واشوفه في حضورك صَبأ
واغيب ياعالمي واصحى على همس فاك

وتقول طاف السحر والفجر جانا يحبا
ونوادع الشوق واللهفة وقلبي / معاك

كانت سوالف تناجيني بوادي الضبا
والبارحة رحت للموعد وشوقي لقاك