يابوي

لـ نوت المري، ، في الرثاء

يابوي - نوت المري

يابوي ياشين العرب عقب فرقاك
والعيد ياشينه وياشين طاريه

أبكي غيابك دم وشلون بنساك
وأنت الحنان اللي حضن قلب راعيه

يابوي منهو اليوم يابوي شرواك
هذا كلامي ماعلي من المشاريه

مسباحك الغالي بكى في مصلاك
يقول وين اللي ملتني دعاويه

أفز من نومي على صوت دعواك
وقت الفجر يابوي لامن تناجيه

لامن دعيت الله وله شليت يمناك
تطلب لك الغفران لاصرت تدعيه

أشقت لك بالحيل ودي بلاماك
عقبك يتيمه والألم كيف أقاويه

في كل لحظه يايبه أسمع خطاك
عشتك أمل يابوي والقلب راجيه

وأذني يبه والله مانسيت حكاك
صوتك تملكني وأنا عايشه فيه

عسى جنان الخلد يابوي مضواك
دعوى يتيمه للولي دوم تدعيه

مليت كل الناس مليت فرقاك
والعيد ياشينه وياشين طاريه

© 2024 - موقع الشعر