البارحة راسي

البارحة راسي يسوق المشاريه
مدري علامه يوم قام يتشرّه
 
يشره وهمّي بين الاضلاع مخفيه
لابحت له سرّي ولاباح سرّه
 
يقنب كما ذيبن زمانه مجنّيه
ماشاف من دنياه غير المضرّه
 
وانا زماني عشت فيه التهاتيه
واخطاني بحلوه وعايشت مرّه
 
لوكان به خيرن فلا ني براجيه
والظاهر انّه مابقى غير شرّه
 
ولا ني بمتحسّف على كل ما فيه
ولافرح قلبي بشيّن يسرّه
 
والعشق باول ذروته لين تاليه
عفته ولالي منه مثقال ذرّه
 
يفرح ضعيف النفس باللي يلاقيه
وفّرت له دنياه والناس حرّه
 
من يبتسم في حضرتك لا تواليه
وفي غيبتك جمر العداوة يكرّه
 
لابد يومن ياصل المجد راعيه
واللي تحرّا جيّته لا يطرّه