ياهل العمايم ماترانا مطاريف

لـ ماجد الحربي، ، في غير مصنف، آخر تحديث

ياهل العمايم ماترانا مطاريف - ماجد الحربي

ياهل العمايم ماترانا مطاريف
زاد الوّبا والنفس بيّن مرضها

لاتكثرّون من الحكي والسواليف
من خان نفسه للمصايب عرضها

ان كانها بالحرب حنا هل السيف
رمز السطر يوم المؤسس نهضها

لو المنايا شاورت ذبحة الضيف
قلنا ترى روح المعزب عوضها

والي زبّنا ماترانا مكاتيف
ننهض وداره نفرض الي فرضها

والحرب لو هي مدة الصيف .. للصيف
حنا بساعه ننتهي من غرضها

ليت الشجيع الي خذته الصواديف
كل الروافض يوم حربه قرضها

سلمان يارمز السيوف المراهيف
يافزعة الي حال روحه بغضها

مجدً خذيته لا بكذبً ولا زيف
واليا اعتلت طهران مثلك خفضها

قلت الحرايب يامحمد لنا كيف
ابوك سلطات الخميني رفضها

عليك بالي صنّعت للمشاريف
سوّاقها روس المدافع نفضها

وانصى اليمن بالجو واستامن السِيف
خل الروافض تختبص مع بعضها

للشاعر: ماجد بن مهل الحربي.
© 2024 - موقع الشعر