يا صاح - محمد تركي ال فطيح

يا صآح لا تحزن و لا تشغل البال
مادمت متعافي ومرتاح بالحيل
 
مفروض تثني الحمْد لله على الحال
و تقوم له بالذات في تالي الليل
 
واللي على ليلاه و يجر موال
ويخوض بين الناس بالقال والقيل
 
لا طاب له حظن ولاطاب له فال
وماله سوا كسب الخطايا محاصيل
 
يحرص على ذا قال في ذا وذا قال
في ذا .. و ينقلها بكل التفاصيل
 
ماله مع اهل الطيب والصدق منزال
وان قام في الميقاف ما يوفي الكيل
 
واللي مثل ذا النوع ما هو برجال
واكبر خطا يجلس بمجلس رجاجيل
© 2024 - موقع الشعر