جاريتك ،،،

من بين شعّار العرب ناديتك
افخم غريبه بالوفا محلوّه

اجاري العالم ولا جاريتك
ما هو لأني ما أوافق جوّه

الا لأني من البشر خبيتك
واخاف غيري يقترب ويشوّه

واليوم طاب لناظري واسقيتك
من ابلغ لحوني و انا بانوّه

هاتك وخبي فرحتك لا جيتك
القلب يعشق ما يتل بقوّه

يا كامل الاوصاف يوم أغليتك
عندي يقين إنك عظيم مروّه

انا لو اعطي خاطري صجيتك
و اجيب لك بحرٍ جديدٍ توّه

ما يركب إلا لك متى غنيتك
ولا يحرق الا من يطفي ضوّه

هذا لانك جوهرة أعطيتك
من فلسفة فكري نظام يتوّه

واشوف لو غيري يقرب بيتك
أفز من زود الغلا و أموّه

الله يعزك وين ما وافيتك
يا طاهره يا ملهمة يا قوّه