هواجيس قلبي كل ليله تجيه افواج - ذيب بن هاجد السميري

ذيب بن هاجد السميري العتيبي
هواجيس قلبي كل ليله تجيه افواج

اليا قلت ابا اسلى جت همومٍ تعرقب له
خلق ربي الدنيا وحط السبول إفجاج

تسير الامور وراعي الشغل يذهب له
يابو نوح يوم انك تمشّى مع البِلاج

على شاطي المرجان والاّ مع العبله
ماعيّنت دوخي عقب ماراحوا الحجاج

انا خابره في عطلة العيد عند إبله
ياليته تقدم ماتقدم له الدّلباج

ماقط افلح الدّلباج واللي تسببله
أبو لحيةٍ ذلقا وأبو مبسمٍ لعّاج

وأبو طرفٍ اكحل غالي الكحل يجلب له
هروجه اليا جا في المجالس تجيك إزعاج

لو أن الرّجال كبودهم منه مندبله
تقارع حناجيره كما الجيب في البطناج

الا يارجال العرف من ينصح الهبله
وعند اللزوم أيراوغ أسرع من الميراج

طبايع زميلٍ زايدٍ عنه بالسبله
عسى بيت مايلقون فيه الرجال إعلاج

تساقط ركونه مثل ماتسقط الحبله
انا من زيارة ميت النار ويش أحتاج

اليا صار ناره ميّته ليش أقرّب له
ازور البيوت اللي كرامه وضحك إحجاج

قريباً من المسجد وبيبانها قبله
يعشى بها الطّرقي ويشبع بها الدوّاج

يوم أن الردي في عيشته طايراً شبله
وبعض العرب بينه وبين الجميل إسياج

ردي النصيب وطيب الحظ يكسب له
© 2024 - موقع الشعر