مرحبا بالموت من اقصاي مثله مثل غيره
مرحبا ترحيبة اللي طاح قدره واعتباره
من ظلام الكون في عينه الى ظلمة مصيره
للحظوظ العاثره لو عود بكرة وانتظاره
حكم ذا الدنيا علي بليا ذنب ولا جريره
ويمكن انيجيت نار وقيد موشوم بحضاره
والاطفلة وابصرت ثم شافت الدنيا ضريره
والا قلب وشاخ جرح وبهذل العالم وقاره
ليت عمري ما كبرت وليتني توي صغيره
والا يوم اني "وصلت"كانت الرحله زياره
والا يوم اني وصلت كنت بالدنيا خبيره
والا يوم اني حلمت مات حلمي في قراره
والا يوم الوقت مد كانت المدة قصيره
والا يوم الحظ مايل بالغلط عدل مساره..!
والا يوم اني عرفت مادريت اني جديره
والا يوم اني رقيت ما استحليت الصداره..!!
والا يوم اني بنيت وصارت عيوني قريره
ماهدمني بنيت وشافت عيوني دماره
والا يوم انها استدارت جيت معها مستديره
والا يوم انها استطارت ما تجاسرت بجساره
وليت يوم الطيب صاح ومالقى قلب يجيره
ما أنتخى قلبي وجاره ثم غدر بلي أجاره!!
آه ليتني ماعرفت وليت ماروحي بصيره
ليتني غصن تكسر يوم توه بأخضراره!!
كلما روحي تعلم كلما تزداد حيره
كلما حيلي غرف لي زاد ذلي وانكساره
طال همي واستطال ولا وصل منه نذيره
طولت روحي تذاكر والشقا طال اختباره
وشلت جرحي والعتاب وزنت والدنيا مريره
بالحكي "أمشي معاهم" وبالخفا أبكي بمراره!!
ماتداويني السنين ولا علاج ولا جبيره
مايداويني ياكود لا بكو..قالوا:خساره!!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.