مستشاري الطبي

اعذروني يا جماعة مستشاري الطبي
قال خفف من حنينك والسهر ، اجفاه

قلت أجرب يمكن الدنيا تجي وتلبي
ويضحك الحظ المعثّر و اغتنم يمناه

اقتنعت اكون غير وما اطاوع قلبي
وشفت نفسي مقتدر بس الوله ابغاه

قمت أرتب جدولي واشوف ويش يخبي
وما لقيت بجدولي غيري أنا و إياه

يا شحوح الوقت جيت وخاطري يلحق بي
ذاك هو نفس المسار وذاك هو مرساه

ما قدرت أبعد كثير بفكرتي يا ربي
لكن الشاهد أنا في كل وقت ألقاه

في منام وفي خيال وفي الحقيقه حوبي
عايشٍ وسط المحاني ولا قدرت انساه

يا برود الحظ صبرك ايش حول دربي
غير إني لا رمشت أشوف وقع خطاه