قصيدة راحو الطيبين

لـ عبدالله مسلم السلمي، ، في غير مُحدد، آخر تحديث

قصيدة راحو الطيبين - عبدالله مسلم السلمي

-لا وواوجود الروح من فرقا الرجال الطيبين
ماباقياً من بعدهم غير المنازل خاويه

-كانو على مله محمد والرجال الصالحين
امثال ابو طالب علي وابو بكر ومعاويه

-كانو لنا مضرب مثل كانو سوا متكاتفين
فيهم وفا وقلوبهم للخير دايم ناويه

-ماباقي الا ذكرهم طيب ما تمحاه السنين
وافعالهم صارت روايا في لسان الراويه

-الوقت قاسي فوقنا يالله ياربي تعين
ويالله لعل قلوبنا بالصبر دايم قاويه

-اليا تكاتفنا سوا صرنا كما الضلع المتين
والراي واحد كل ما جات المشاكل ضاويه

-واليا اختلفنا يفرح المتشمته والحاسدين
وليا تفرقنا تعشتنا الذياب العاويه

-ياصاحبي خلك على درب الرجال الاولين
والوقت له ميزان والكفة ماهي متساويه

-وابدا بصفحة مشرقه واثبت على الحق المبين
والطيب والبغضا بقلبك لاتجي متخاويه

-ثم انتبه لا تتبع الماضي تعيده كل حين
والموعضه حجه على كل العقول الغاويه

-ياصاحبي لنكان وانك في الزمن منته فطين
ترميك دورات الزمن من هاويه في هاويه

-وان ما مسكت الواجهه بين الرجال الغانمين
فاعلم ترا مالك مكان الا بذيك الزاويه

-هذي حقيقه واخذو الحاضر ماهو سلفة ودين
في وقتنا الي فيه ياكثر العقول الخاويه

-ونهايه المشوار ما غير الدروب الا ثنين
مابين جنه حطها ربي ونارا كاويه

-تميت قولي وان صدق ضني عسى قولي ثمين
وعسى الكبود الضامية من جم عده راويه

شعر
عبدالله مسلم السلمي

© 2024 - موقع الشعر