الناس وماترا - عيد الغيثي

كريم ياخيالٍ سرا حزه اغباش
يبرق ويرعد صوتها به دحاشه

هلي مطر يامزنتن بالسما ارشاش
واسقي زمانن كان قبلٍ عطاشه

وتخيل في صوب سلم ولاعاش
وهلي على داره وهاتي ارشاشه

وضفي نفيضك هاتي البرق كفلاش
ومشي دياره مع شعيب وخشاشه

خوذي سلامي مع سنا العود ببشاش
وعطيه قافي يفهمه في بشاشه

ذيب عوا لذيب والجوع نهاش
ومن العوى ضاقة عليه المعاشه

يبقى لنا فخر ولو ناش ماناش
ويبقى لنا ذخرن ونرقى عراشه

وسر يانديب الشعر في غيمة الجاش
وايزن على طاروق بحره وجاشه

وايزن بيوتٍ جزل مابها لاش
من شاعر ينقد ونقده بكاشه

واكتب على زين الورق شي منواش
واكتب على رجل به الضيم عاشه

من حرصدره عيشته عاش به ماش
شاف الاهانه والكدر حظ حاشه

لبس وسام الشر من ماس واقماش
ومن الكدر ينسى زخارف اقماشه

يامر اخوي بغفلتٍ منه أنا احتاش
وأحسبه أنا مصري وانادي ياباشه

والمجلس اللي به نواديس واغباش
عسى الولي يهدمه ننظر قشاشه

لادمت يامجلس به النذل مراش
اللي به الشيطان يسدح فراشه

صرة بحياتي كني بغرفة انعاش
من ضيقتن وسط الحشى هم ناشه

ضاق الصدر ياجيب من هرجةالواش
يامحزمي ياعصاب راسي وشاشه

تكفا ياجيبي حالة البرق مهناش
ومن الحكي عفت الكرى والمهاشه

ودي بوادي خاليٍ دوم وأعتاش
لاكن الفقر خيم ونزل عفاشه

وأنا اسئلك ياليل ماتقولي كاش
نجمك يدل الظايع اللي بغشاشه

اليوم دنيانا به الذيب ينحاش
وصار الثعل وره يغرش اغراشه

وصار الرجل في مجلسن مابه فراش
وصار النذل يجلس وزلٍ فراشه

وصارالشنب يسكت بمجلس عن الواش
وصار الوغد يهرج بقوة اهواشه

الناس تبغى المدح والنصب والطاش
وكلن على ماقيل يبغى البشاشه

ولومامدحته صرت غلطان بالباش
ياكود تمرا له وتكذب غشاشه

لازم تقول انته اميرن و نهاش
وحظرت جنابه بالردى والمراشه

واذا مدحته يمدحك لو بك اشواش
واذا تركته حطك اردى قشاشه

الله ياوقتن مضى قدر ياناش
طيب وحميه سلم وارجال عاشه

نضف القلوب الصافيه طبع عرباش
مافيه حسد وفيه خير وبشاشه

وهذا الزمان اللي يعايشه هو لاش
عسى الولي يفكنا من دشاشه

وهذا موضيعي وأنا اقول هناش
وابعلمك اني بقيت بدهاشه

قلته وانا طلقه وماسكه نتاش
على شفا جرفن وثور رشاشه

وصلاة ربي عد وبلٍ مع ارشاش
على محمد عاش احسن معاشه

كلمات الشاعر/عيد غازي الغيثي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر