المواقف

صعب المواقف مالها غير الزحول
الي احتمى الموقف يبين طيبها

تصمل بوقفتها وتصدق بالفعول
كل العلوم الغانمه تحري بها

للطايله هقوه وللجزلات نول
ما كل من سمي رجل ياتيبها

ولا كل من تصدف معه يلقى قبول
هذا خطا الجوده وذاك يصيبها

الناس ماهي تستوي عرضن وطول
ولاتشابه بالزمن ترتيبها

الكايده يظفر بها ذرب الفعول
يقدم لها يوم الرخوم تهيبها

مثل الجمل يبرك ويشتل الحمول
يدرك علوم الطيب ويماري بها

ولا الردي جعله من الدنيا يزول
اللي خذل نفسه وظهر عيبها

هذا وصلى الله على وجه الرسول
نبينا اللي سنته نمشي بها