من دروس المعاميل حصه ..

ياللي جلست بطارف الضو لا هنت
رص الجمر صوب البغاديد رصه..

وصون الدلال الغاليه مثل ما صنت
عرضك وعرض نفوس كلمن تخصه..

تقديرها ما هو على شان كم سنت
الا يبين من على الضيف حرصه..

وايضاً قبل ل تسوقها لا تمكنت
ارشف لك بفنجال سميه رخصه..

منها تأكد لو على فوحها كنت
ميقن حرارتها تبي منك بخصه..

وإعرف إلى منك سهيت او تهاونت
فنجال مديته بحيفك تغصه..

فلا توصَلَك شرهه بعدما تفننت
او اترك المجلاس للي يرصه..

والقصد واضح كان منه تفطنت
وخذها من دروس المعاميل حصه..