حصه

في دنيتي رتبت كل الجداول
لكن حملت بطية القلب حصّه

من كثر ماني في حياتي أحاول
عجزت أجمع بالمكاتيب قصّه

كن العشق ملعب وهالحب فاول
وأنا مع الجمهور وسط المنصّه

هذا يشوت الحب وهذا يناول
وهذا يصيح بعالي الصوت رصّه

ليت المحبه بالبنوك إتداول
لسحب من المليون لو كان نصّه

للي غلاها دق سعر المقاول
أموت ما أنسى (..... )

في إيدها أغار لبس المجاول
ولبسٍ عليها ما أحبه ترصّه

وياللي قريت القاف لا لا إتْطاول
سادس بيوتي إتركه لا تبصه

ماهوب صالح للنشر والمداول
بيتٍ خصوصي إنْجبر وسط نَصّه

وياللي بغيت الصدق لا لا تحاول
ماعادلي حبٍ بعد حب حصّه