سلطان و ابراهيم السلمي - سلطان عتيق الحربي

سلطان عتيق الحربي
اشتاااق لك شوق( ن)تعدا المجرات
عم الوجود ومن على الكون مذهول
عشق(ن)تجاوز كل معنى العلاقات
بين البشر .. ماصار بالفعل والقول
اضنى خفوق الشوق .. تنهيد واهات
واغرى جميع الغيد ترديد معقول!؟
 
ابراهيم السلمي
الشوق ياسلطان .. جا له علامات
دام السهر للعين .. عاده على طول
رغم انه اثقل من جبال السراوات
الا ان له لذه .. وله طعم معسول
والشوق وصفه... ما تكفيه الابيات
مثل ان ما يكفي هل العشق مرسول
 
سلطان عتيق الحربي
الشوق مانصف .. بالوفا صادق الذات
من خان خان .. ومن وفا مات مقتول
لاعدل في ميله .. علي كل مافات
ولالرجا بالجاي ... هقوه ومأمول
مداآم لاا واقع .... وكله خياالات
من يسمع اللي يطلب انصاف وحلول
 
ابراهيم السلمي
العاشق اللي جاه .. بالعشق طعنات
يبطي عليه الوقت .. سارح ومذهول
يشتاق لكن ... يمنعه شي قد فات
خايف يجيه من الهوى سهم مسلول
بالشوق وقته .. غير عن كل الاوقات
لا ينفعه صمته ... ولا ينفعه قوول
 
سلطان عتيق الحربي
هذا البلا .. ياوافي القول بالذات
واللي من اسبابه..غدا الفكر مشلول
لاوصل يبري .. من جروح المعانات
ولا له جزى بالوقت من كان مسؤول
وان عشت لذاته .. ثواني ولحظات
تبقى اسير الفكر .. والبال مشغول
 
ابراهيم السلمي
لغز الهوى والشوق ماله اجابات
طلاسمه منها ترى حارت عقول
مثل الطريق اللي عليه المطبات
وزودن على ما فيه محفور بسيول
 
سلطان عتيق الحربي
ياويل منهو قد تعلق ولامات
لاطال عشق وتهنى بمجمول
في غبة افكار الهواجيس هيهات
ماباقي الا هيئة الشكل والزول
© 2024 - موقع الشعر