راحوا ..

لـ خميس المقيمي، ، في غير مُحدد

راحوا .. - خميس المقيمي

نسيت أحبّك .. ناس في هالمشاوير
خذوا حمايم خافقي .. يوم لاحوا

ما أمهلوني .. كبّلوني نواوير
و أطفوا مصابيح السهر .. و استراحوا

و انا هنا .. بين الرجا - و الرجا .. غير
صرت أحترف ترتيب حزني .. ب .. ْراحوا

راحوا .. بلا ( بعدين نرجع ) .. بلا طير
أتشبّث بجنحه .. و ( أطيّر جراحو )

خذوا خذوني للسفر .. و المقادير
تلعب بعيدي ... مابه أطفال لاحوا

نسيت أحبّك ... و الحنايا عصافير
و أصابعك قمح ... و بي آلاف صاحوا

مليان غربه ... علّمتني المشاوير
أجوع لك .. ما بين / ضلّوا - و راحوا

© 2022 - موقع الشعر