خافق تفاجئ

محلاك لا منك زعلتي وضقتي
ومحلاك في ثورة غضب واندفاعه

ومحلا الغضب لا جاك ثم أندفعتي
ثم ٍ بديتي بشكّل والنزاعه

و زود ٍ على هذا جرحتي ولسعتي
وانا سبب هذا وهذي البشاعه

وانا ازيد الضيم وانتي كتمتي
حزن ٍ تخفى خلف أقوى شجاعه

وفوق ٍ على هذا لحكيي سمعتي
والدمع من عينك يبين اللتماعه

ولا من امرتك قلتي ابشر وطعتي
لو أن أمري زايد ٍ في صراعه

ولو انتي من قوى الحكي احترقتي
قلتي حبيبي هذي احلى طباعه

وانا اقول أنك ملكتي وسكنتي
قلب ٍ بحبك انوجد من ضياعه

بين الوجيه الضايعه يا ملكتي
لقيت بك كل اللي ابغى بقناعه

قبلك تعبت ويمكن انتي تعبتي
بس الأكيد القلب زاد اتساعه

وارتحت بوجودك وأنتي لمستي
حب ٍ كتمته وسط قلبي وذاعه

خافق تفاجئ يوم شفتي وغرتي
وقلتي ترى قلبي يزيد التياعه

الراي واحد فيك وانتي ملكتي
قلب ٍ لحبك ما انوجد له مناعه

محلا وجودك يومك انتي جمعتي
قلبي وعقلي والمشاعر جماعه