لا ولا لو ينبت براسك نخل

عطشان يمكن أو يكون القلب جاع
أو يكون أحتاج أعشقها ثمل

أو يكون الحب شعلل ثم ضاع
أو تكون أوهام يحدوها أمل

ميّت(ن) فيها وفيها القلب لاع
والبلا ما شفتها تبغى وصل

حب غريب أو هو يسمونه ضياع
أو يكون الآجل لوقت الأجل

من بدايتنا وحنّا في صراع
ولا قدرت ألقى لهذا الحب حل

إن ذكرت اسم الوداع قالت وداع
وإن ذكرت العشق قالتلي أجل

صرت مثل اللي ورا أحمق مطاع
أدريبها حمقاء لكن ما العمل ؟

إن بغيت أسألها عن علمٍ مشاع
تقول لو تسمح رجاءً لا تسل

وإن سكتّ تقول مشتاقة سماع
صوتك الفتّان تكفى في عجل

حيّرتني وجابت لراسي الصداع
كيف من يعشق يفكر بالوجَل ؟

الحب يمكن عندها: من استطاع
إن حصل أو حتى يعني ما حصل

أعتذر ما أقبل بحب المتاع
لا ولا .. لو ينبت براسك نخل