ياهيه

ياهيه يالي عجزتوا من خفاف الحمول
تريحو والثقال اجمالها تشلها
 
ترى الحشاوين ما تبرك لحمل الزمول
والا الزمول اتحمل لو يدبل لها
 
عاقل واخاطب عباد الله بحسب العقول
واعرف خوافي الامور ادقاقها وجلها
 
وصدري وسيعٍ على زلات ذرب الفعول
ولا الردي باتقعد له لمن علها
 
مادام لي في سنام المجد وسم وذلول
لا يمكن اني اهين النفس واذلها
 
الحمد لله راسي مايعرف الخمول
وابخس دروب المراجل زين وادلها
 
من تربية شايبٍ يا جعل عمره يطول
صميدعٍ من عرف خوته ما ملها
 
تلقاه بالمرجله دايم يصول ويجول
ما تفتر عزومه وغايته ياصل لها
 
كريم سبلا طليق حجاج ماهو زعول
ومن جاله وفي عيونه شرٍ ايخلها
 
من طيبه امنين ما وجه يلاقي قبول
وكم عقدةٍ مستحيله رايه ايحلها
 
يكفيني ان مر طاريه بمجلس زحول
اتقول نعم بزبون المرجله كلها
 
ولا الردي لو يطيب ايام طيبه يزول
وسبحة علومه على من واجه ايهلها
 
لا صار قلبه من دروب المراجل جفول
وشلون لا يبست الأرياق بيبلها